ಗ್ರಾಮೀಣ ಜನರಿಗಾಗಿ ಇರುವ ಬಂಪರ್ ಪೋಸ್ಟಾಫೀಸ್ ಸ್ಕೀಮ್ | ₹1500 ಹೂಡಿಕೆ ಮಾಡಿ ₹35 ಲಕ್ಷ ಪಡೆಯಿರಿ... Rural Postal Life Insurance - RPLI

Rural Postal Life Insurance - RPLI : ಕಡಿಮೆ ಹೂಡಿಕೆ ಮಾಡಿ ಹೆಚ್ಚು ಗಳಿಕೆ ಕೊಡುವ ಪೋಸ್ಟಾಫೀಸಿನ ಈ ಯೋಜನೆಯ ಅಡಿಯಲ್ಲಿ ತಿಂಗಳಿಗೆ 1500 ರೂಪಾಯಿ ಹೂಡಿಕೆ ಮಾಡಿ ಭರ್ತಿ 35 ಲಕ್ಷ ರೂಪಾಯಿ ಗಳಿಸುವುದು ಹೇಗೆ? ಸಂಪೂರ್ಣ ಮಾಹಿತಿ ಇಲ್ಲಿದೆ...

ಹೂಡಿಕೆ (Investment) ಎಂಬುವುದು ವ್ಯಕ್ತಿಯ ಜೀವನಕ್ಕೆ ಅತಿ ಮುಖ್ಯವಾಗಿರುತ್ತದೆ. ಸಣ್ಣ ವಯಸ್ಸಿನಿಂದಲೇ ಹೂಡಿಕೆ ಮಾಡುವುದರಿಂದ ನಿವೃತ್ತಿ ಅವಧಿಯಲ್ಲಿ ಆರ್ಥಿಕವಾಗಿ ಸದೃಢರಾಗಿರಬಹುದು. ಪೋಸ್ಟ್ ಆಫೀಸ್’ನ ಈ ಯೋಜನೆಯ ಅಡಿಯಲ್ಲಿ ತಿಂಗಳಿಗೆ ಕೇವಲ 1500 ರೂಪಾಯಿ ಹೂಡಿಕೆ ಮಾಡುವುದರಿಂದ ಅವಧಿಯ ನಂತರ 35 ಲಕ್ಷ ರೂಪಾಯಿಯ ದೊಡ್ಡ ಮೊತ್ತವನ್ನು ಪಡೆಯುಬಹುದಾಗಿದೆ. ಈ ಯೋಜನೆ ಸಂಪೂರ್ಣ ಮಾಹಿತಿಯನ್ನು ಇಲ್ಲಿ ನೋಡೋಣ...

ಇದನ್ನೂ ಓದಿ: SSLC, PUC ಪಾಸಾದವರಿಗೆ ಜಿಲ್ಲಾ ನ್ಯಾಯಾಲಯ ಹುದ್ದೆಗಳಿಗೆ ಅರ್ಜಿ | ಮಾಸಿಕ ಸಂಬಳ ₹42,000 

ಇದು ಗ್ರಾಮೀಣರ ಸುರಕ್ಷಾ ಯೋಜನೆ

ಇದೊಂದು ಗ್ರಾಮೀಣ ಅಂಚೆ ವಿಮಾ ಯೋಜನೆಯಾಗಿದ್ದು; ಇದು ಪಾಲಿಸಿದಾರರ ಜೀವನದುದ್ದಕ್ಕೂ ವಿಮಾ ರಕ್ಷಣೆಯನ್ನು ಒದಗಿಸುತ್ತದೆ. ಪಾಲಿಸಿಯ ಅವಧಿಯೊಳಗೆ ಪಾಲಿಸಿದಾರನ ಮರಣದ ನಂತರ, ಪಾಲಿಸಿಯ ನಾಮಿನಿಗಳು ಮರಣದ ಲಾಭದ ಮೊತ್ತವನ್ನು ಕ್ಲೈಮ್ ಮಾಡಬಹುದಾದ ಪೋಸ್ಟ್ ಆಫೀಸ್’ನ ಈ ಯೋಜನೆಯ ಹೆಸರೇ ‘ಗ್ರಾಮ ಸುರಕ್ಷಾ ಯೋಜನೆ’ (Gram suraksha yojane). 1995ರಲ್ಲಿ ಗ್ರಾಮೀಣ ಅಂಚೆ ಜೀವ ವಿಮೆ - ಆರ್‌ಪಿಎಲ್‌ಐ (Rural Postal Life Insurance - RPLI) ಯೋಜನೆಯನ್ನು ಸ್ಥಾಪಿಸಲಾಯಿತು. 

ಯಾರು ಹೂಡಿಕೆ ಮಾಡಬಹುದು?

19 ವರ್ಷದಿಂದ 55 ವರ್ಷದ ವಯೋಮಿತಿ ಹೊಂದಿರುವ ಯಾವುದೇ ಭಾರತೀಯ ನಾಗರಿಕನು ಈ ಗ್ರಾಮ ಸುರಕ್ಷಾ ಯೋಜನೆಯಲ್ಲಿ ಹೂಡಿಕೆ ಮಾಡಬಹುದಾಗಿದೆ. ಈ ಯೋಜನೆಯು 19ನೇ ವರ್ಷದವರಿಗೆ ಅತ್ಯಂತ ಉಪಕಾರಿ ಮತ್ತು ಲಾಭದಾಯಕವಾಗಿದೆ. ಹೂಡಿಕೆಯ ಮೊತ್ತವು ವಾರ್ಷಿಕವಾಗಿ 10,000 ರಿಂದ 10 ಲಕ್ಷ ರೂಪಾಯಿ ಹೂಡಿಕೆ ಮಾಡಬಹುದಾಗಿದ್ದು; ಇದನ್ನು ಪ್ರತಿ ತಿಂಗಳು, ಮೂರು ತಿಂಗಳಿಗೊಮ್ಮೆ ಅಥವಾ ಆರು ತಿಂಗಳಿಗೊಮ್ಮೆ, ಇಲ್ಲವೇ ವರ್ಷಕ್ಕೊಮ್ಮೆ ಒಟ್ಟು ಮೊತ್ತವನ್ನು ಹೂಡಿಕೆ ಮಾಡಬಹುದಾಗಿದೆ.

ಇದನ್ನೂ ಓದಿ: ಸ್ವಂತ ಮನೆಗಾಗಿ ಗೃಹ ಸಾಲ ಪಡೆಯಬೇಕೆ? ಇಲ್ಲಿದೆ ಸಾಲ ಪಡೆಯುವ ಮಹತ್ವದ ಮಾಹಿತಿ   

ಹೂಡಿಕೆಯ ಮೊತ್ತವೆಷ್ಟು?

ಗ್ರಾಮ ಸುರಕ್ಷಾ ಯೋಜನೆಯ ಅಡಿಯಲ್ಲಿ ನೀವು ಹೂಡಿಕೆ ಮಾಡುವುದಾದರೆ, ನಿಮ್ಮ ಗ್ರಾಮ ಸುರಕ್ಷಾ ಖಾತೆಗೆ ಪ್ರತಿ ತಿಂಗಳು ಕನಿಷ್ಟ 1500 ರೂಪಾಯಿಯನ್ನು ಜಮಾ ಮಾಡುವುದು ಕಡ್ಡಾಯವಾಗಿರುತ್ತದೆ. ನೀವು ಈ ಮೊತ್ತವನ್ನು ನಿರ್ದಿಷ್ಟ ಅವಧಿಯ ವರೆಗೆ ಮಾಡಿದರೆ ಅವಧಿಯ ನಂತರ 31 ಲಕ್ಷದಿಂದ 35 ಲಕ್ಷ ರೂಪಾಯಿಯ ವರೆಗೆ ರಿಟರ್ನ್ಸ್ ಪಡೆಯಬಹುದಾಗಿದೆ. 

ಹೂಡಿಕೆ ಮಾಡುವ ಅವಧಿಯಲ್ಲಿ ಹೂಡಿಕೆದಾರನ 55 ವರ್ಷಗಳ ಪೂರೈಕೆಯ ನಂತರ 31.60 ಲಕ್ಷ ರೂಪಾಯಿಯ ಮೆಚ್ಯುರಿಟಿ ಲಾಭವನ್ನು ಪಡೆಯಬಹುದಾಗಿದೆ. ಅದೇ ಒಂದು ವೇಳೆ 58 ವರ್ಷಗಳ ನಂತರವು ನೀವು ಹೂಡಿಕೆ ಮಾಡಿದರೆ ನೀವು ಇನ್ನೂ ಹೆಚ್ಚಿನ ಲಾಭವನ್ನು ಪಡೆಯಬಹುದಾಗಿದ್ದು 33.40 ಲಕ್ಷ ರೂಪಾಯಿಯ ಲಾಭ ಪಡೆಯಬಹುದಾಗಿದೆ. ಅದೇ ರೀತಿ ನಿಮ್ಮ ಹೂಡಿಕೆಯ ಅವಧಿಯ 60 ವರ್ಷಗಳ ವರೆಗೆ ಇದ್ದರೆ ಈ ಯೋಜನೆಯ ಪ್ರಬುದ್ಧ ಪ್ರಯೋಜನವು 34.60 ಲಕ್ಷ ರೂಪಾಯಿ ಆಗಿರುತ್ತದೆ. 

ಇದನ್ನೂ ಓದಿ: ಕೃಷಿ ಇಲಾಖೆಯಲ್ಲಿ 600ಕ್ಕೂ ಹೆಚ್ಚು ಹುದ್ದೆಗಳ ನೇಮಕಾತಿ | ಯಾವೆಲ್ಲ ಹುದ್ದೆಗಳಿಗೆ ನೇಮಕಾತಿ ನಡೆಯಲಿದೆ? 

ಒಂದು ವೇಳೆ ಹೂಡಿಕೆದಾರನು ಮೃತಪಟ್ಟರೆ ಏನು ಮಾಡುವುದು?

ಹಲವು ಕಾರಣಾಂತರಗಳಿ೦ದ ಅಥವಾ ಆಕಸ್ಮಿಕವಾಗಿ ಪಾಲಿಸಿದಾರನು ಅಥವಾ ಹೂಡಿಕೆದಾರನು ಮೃತಪಟ್ಟರೆ ನಿಮ್ಮ ಈ ಭರವಸೆಯ ಮೊತ್ತವನ್ನು ನೀವು ನೇಮಕ ಮಾಡಿರುವ ನಾಮಿನಿಗೆ ವರ್ಗಾಯಿಸಲಾಗುತ್ತದೆ.

35 ಲಕ್ಷ ರೂಪಾಯಿ ಲಾಭ ಪಡೆಯುವ ಲೆಕ್ಕಾಚಾರ

ಗ್ರಾಮ ಸುರಕ್ಷಾ ಯೋಜನೆಯ ಅಡಿಯಲ್ಲಿ ನೀವು ಸಂಪೂರ್ಣ 35 ಲಕ್ಷ ಲಾಭವನ್ನು ಪಡೆಯಬೇಕೆಂದರೆ 19ನೇ ವಯಸ್ಸಿಗೆ ಈ ಯೋಜನೆಯಲ್ಲಿ ಹೂಡಿಕೆ ಮಾಡಲು ಆರಂಭಿಸಬೇಕು. 

ಆಗ 10 ಲಕ್ಷ ರೂಪಾಯಿಯ ಪಾಲಿಸಿ ಕೊಂಡರೆ, ಈ ಪಾಲಿಸಿಯ ತಿಂಗಳ ಪ್ರೀಮಿಯಂ ಮೊತ್ತವು 55 ವರ್ಷಕ್ಕೆ 1,515 ರೂಪಾಯಿ ಆಗಿರುತ್ತದೆ. ಅದೇ ರೀತಿ ನಿಮ್ಮ 58 ವರ್ಷಕ್ಕೆ 1,463 ರೂಪಾಯಿ ಮತ್ತು 60 ವರ್ಷಕ್ಕೆ 1,411 ರೂಪಾಯಿ ಆಗಿರುತ್ತದೆ.

ಈ ರೀತಿ ಹೂಡಿಕೆ ಮಾಡುವುದರಿಂದ ಹೂಡಿಕೆದಾರರಿಗೆ 55ನೇ ವಯಸ್ಸಿನಲ್ಲಿ 31.60 ಲಕ್ಷ ರೂಪಾಯಿ ರಿಟರ್ನ್ಸ್ ಸಿಗುತ್ತದೆ. ಅದೇ ರೀತಿಯಲ್ಲಿ 58ನೇ ವಯಸ್ಸಿನಲ್ಲಿ 33.40 ಲಕ್ಷ ರೂಪಾಯಿ ಮತ್ತು 60ನೇ ವಯಸ್ಸಿನಲ್ಲಿ ಭರ್ಜರಿ 34.60 ಲಕ್ಷ ರೂಪಾಯಿ ಸಿಗುತ್ತದೆ.

ಅಂದರೆ ಪ್ರತಿ ದಿನಕ್ಕೆ ಕೇವಲ 50 ರೂಪಾಯಿ ಅಥವಾ ಒಂದು ತಿಂಗಳಿಗೆ 1,515 ರೂಪಾಯಿ ಹೂಡಿಕೆ ಮಾಡುವುದಾದರೆ 34.60 ಲಕ್ಷ ರೂಪಾಯಿ ಸಿಗುತ್ತದೆ.

ಗ್ರಾಮ ಸುರಕ್ಷಾ ಯೋಜನೆಯ ಖಾತೆ ತೆರೆಯಲು ಹಾಗು ಯೋಜನೆ ಕುರಿತ ಖಚಿತ ಮಾಹಿತಿಗಾಗಿ ನಿಮ್ಮ ಹತ್ತಿರದ ಅಂಚೆ ಕಚೇರಿ ಭೇಟಿ ಮಾಡಿ...

ಇದನ್ನೂ ಓದಿ: ರೈತರು ಸರಕಾರದ ವಿವಿಧ ಯೋಜನೆಗಳ ಪ್ರಯೋಜನ ಪಡೆಯಲು ಎಫ್‌ಐಡಿ ನೋಂದಣಿ ಕಡ್ಡಾಯ...